EVROPA KRIJUESE

Shtëpia botuese “Fan Noli ” sjell në shqip fituesit e Çmimit Evropian të Letërsisë, në kuadrin e Projektit “Evropa Krijuese”, për promovimin e letërsisë. Është e vërtetë se autorët e përzgjedhur nga ana jonë kanë qenë shkrimtarë nga vende të vogla si Finlanda, Sllovenia, Mali i Zi, Malta, Turqia e Luksemburgu. Arsyeja përse janë zgjedhur autorë nga këto vende është e thjeshtë: ne kemi synuar t’i japin lexuesit shqiptar autorë të rinj e të panjohur.
Ndoshta emrat e tyre vijnë të rinj te ne, pasi janë nga vende sa të afërta, aq edhe të largëta, nga kultura të ndryshme; fletë pas flete, në librat e tyre zbulon se ndajmë gati të njëjtat probleme, të njëjtat shqetësime dhe përpjekja e përditshme është po ajo. Për të fituar të drejtën e botimit të fituesve të Çmimit Evropian të Letërsisë botuesit duhej të kalonin nëpermjet një site shumë të imët, si dhe të përballeshin në konkurrencë me shtëpi botuese nga e gjithë Evropa. Arritja e kësaj të drejte na bën ne dhe stafin tonë të punojmë gjithmonë e më shumë për të arritur rezultate sa më të larta dhe për të qenë gjithmonë sa më pranë jush me libra sa më cilësorë.